Parysenaars word daaraan herinner dat daar vandag, Maandag 6 April tussen 11:00 en 17:00 bloed geskenk kan word by Shoprite Parys.
Daar is ook môre, Dinsdag 7 April, geleentheid om by Checkers Parys bloed te skenk tussen 10:00 en 16:00.
Onthou dat die Suid-Afrikaanse Nasionale Bloeddiens se werksaamhede as ‘n essensiële diens gesien word. Skenkersentrums
in sentrums sal ook steeds oop wees, terwyl daar ook van mobiele skenkerseenhede soos hier in Parys, by kruidenierswinkels gebruik gemaak word gedurende die inperkingsperiode.
Dankie aan elke Parysenaar wat die vorige bloedskenk geleentheid in Parys ondersteun het. Altesame 36 eenhede bloed is toe ingesamel.
