Gister nog niks, en wanneer jy weer verbyry, is die skildery voltooi.
‘n Oormaat van eenvoud. Pienk, en wit, en as jy gelukkig is hier en daar ‘n spatsel maroon.
Hulle noem hulle die veld se genadeblomme. ‘n Blommeskou in eie reg.
Die foto is langs die Kopjeskraal-pad net buite Parys geneem is. Foto: Danie Venter.
Foto langs die Kopjeskraal-pad geneem deur Braam Augustyn
Kosmosse so ver as wat die oog kan sien langs die Kopjeskraal-pad, tussen Parys en Potchefstroom en tussen Parys en Koppies.
Mooi wat jou niks kos om te waardeer nie. ‘n Stukkie skeppingsgenade op sy mooiste na die reën wat vanoggend nog sag oor Parys geval het.
