Potchefstroom Herald berig dat ‘n man vandag (10 Februarie) omstreeks 14:30 op aanklag van dieremishandeling in hegtenis  geneem is nadat hy ‘n kat aan ‘n reling vasgemeaak het en dit glo wou slag om te eet.

Volgens Christiaan Haefele, bedryfsbestuurder van Mooirivier Beskerming, het die sekuriteitsmaatskappy omstreeks 14:07 ‘n oproep ontvang van ‘n vrou wat vertel dat ‘n man besig is om ‘n kat aan die reling van die laagwaterbrug op die hoek van Spruit en Walter Sisulustraat vas te maak.

Mooirivier Beskerming is saam met PAWS na die toneel. Die man het gevlug nadat hy die Mooirivier en PAWs beamptes sien aankom het. Hy  is kort daarna op die hoek van Albert Luthuli en Peter Mokaba vasgetrek.