VANDERBIJLPARK. – Die voormalige gr. R-onderwyseres en vermeende meesterbrein agter die ontvoering van die sesjarige meisie van Laerskool Kollegepark in September verlde jaar, Tharina Human (27), het vanoggend (9 Januarie) die koppe laat draai toe sy met swartpers hare, donkerrooi lipstiffie en ’n swart rok in die beskuldigdebank ingeskuif het. Sy het voorheen met blonde lokke gespog.
Tharina staan saam met haar medebeskuldigdes Laetitia Nel (40), Pieter van Zyl (50) en Bofokeng Molemohi (24) op aanklagte van ontvoering en afpersing tereg. Dit was hul eerste verskyning van 2020 en dit was baie vlugtig.
Van Zyl en Molemohi het strak voor hulle uitgestaar en Nel het soos met vorige verskynings kort-kort haar trane afgevee.
Die beskuldigdes se verhoor sal later vanjaar in die hooggeregshof in Palm Ridge voortgaan, sodra ‘n verhoordatum gegee word. Die saak is na 25 Februarie uitgestel, wanneer daar hopelik ‘n datum bekend sal wees.
Human, Van Zyl en Molemohi is steeds in aanhouding. Nel se borgtog is verleng.
You can read the full story on our App. Download it here.