Parys – Die liggaam van een van die mans wat gister in die Vaalrivier by die Mimosa Tuine verdrink het, is pas uitgehaal. Daar word nog gesoek na die tweede man.
Parys polisielede, lede van die polisie se K9-eenheid en polisieduikers van Welkom het vanoggend vroeg die soektog na die twee mans wie se kano gister in die Vaalrivier by die Mimosa Tuine omgeslaan het, voortgesit.
Familielede wat langs die rivieroewer was, het dadelik hulp ontbied nadat die kano Saterdagmiddag laat omgeslaan het, maar teen skemer gister was daar steeds geen teken van die mans nie. Plaaslike polisielede sowel as lede van We Care was gistermiddag op die toneel.
Beide mans is na wat verneem is plaaslike inwoners.
You can read the full story on our App. Download it here.