Moenie dat die eendeweer of beurtkrag jou in jou spore stuit nie.
Onweer of mooi weer die Suid-Afrikaanse Nasionale Bloeddiens (SANBD) se mobiele skenkerskliniek personeel is op hul pos en jy kan selfs wanneer dit beurtkrag is gaan bloed skenk. Parysenaars het nog tyd tot 19:00 vanaand om te kom skenk by die Hervormde Kerk in Parys.
Komaan jy kan help om ‘n lewe te red. Teen 14:00 is daar nog net 5 eenhede bloed geskenk. Die Bloeddiens het jou bydrae nodig vandag!
Elke bloedskenker sal ‘n Feesseisoen-geskenk ontvang.
Die doelwit vir die dag is 100 eenhede bloed en jy kan help.
SANBS se Kroonstad-tak waarvan Parys deel is, moet oor Desember 1 000 eenhede bloed insamel – 500 eenhede deur mobiele klinieke, en 500 eenhede deur die Kroonstad Bloedskenk Sentrum.
