Die N12 tussen Klerksdorp en Potchefstroom is vanoggend (9 Desember) weer oop.

Dit nadat ‘n gedeelte van die pad gister (8 Desember) onder water was. Verskeie huise in informele nedersettings langs die N12 was ook onder water.

Die Suid-Afrikaanse weerdiens (SAWD) het gistermiddag waarskuwings oor oorstromings uitgereik. Die SAWD voorspel dat dit tot minstens Woensdag in Potchefstroom gaan reën.