In Allenbystraat loop dit in strome – al van vanoggend net voor 07:00. Maar dit is nie strome van seën nie.
Nee dis duisende liters water wat verlore is en die rede waarom mense in hierdie omgewing nou sonder water sit en bes moontlik nog vir ‘n hele ruk sonder water sal wees.
Gazette het die waterlek onder die munisipale bestuur se aandag gebring en pas bevestiging gekry dat ‘n span uitgestuur word om die lek reg te maak. Dankie aan die amptenare wat vanmiddag dadelik gehoor gegee het aan Gazette se boodskap oor die Allenby-lek.
Verskeie inwoners het vandag gerapporteer dat munisipale telefoonlyne net lui.
Inligting is vanoggend ontvang van stakende munisipale werkers. Daar word steeds gewag op meer inligting oor watter dienste as gevolg van die staking geraak sal word.
