Sterrekyk Saterdagaand op Deelfontein

Liefhebbers van die naghemel het die geleentheid om die aanbieding van Frik le Roux op Deelfontein te kom bywoon, sonder om soos gewoonlik die winterkoue te moet trotseer. Dit sal waarskynlik die laaste geleentheid voor die volgende winter wees, omdat bewolkte weer en die hoër lugvogtigheid in die somer ongunstig is vir sterrekyk. Die aanbieding in die seminaarkamer langs die sterrewag begin om 7 uur, en om 8 uur sal dit donker genoeg wees om die sterre deur die 12”-teleskoop te bekyk.

Padaanwysings na Deelfontein kan van www.deelfontein.co.za afgelaai word. Meld asseblief aan per epos by gerhard@deelfontein.co.za of per sms aan 083 280 9784 vir meer inligting en om jou plek te bespreek.