Die dorp Coligny in die Noordwes-provinsie het in 2017 deur diep trauma gegaan toe dele van die dorp tydens onrus en oproer byna totaal vernietig is nadat mense die dorp ingevaar, klippe gegooi, huise en winkels geplunder en afgebrand het.
Die vraag is toe gevra: “Wat gaan die kerk doen om die situasie te beredder?” Te midde van dié vraag het ds. Tewie Pieters van die Coligny-Oos gemeente betrokke geraak by die proses om die orde te herstel en die gemeenskap weer te heel.
Ds. Pieters gesels Sondag 8 September om 09:00 by die NG-gemeente Parys-Wes waar hy die diens sal lei, en sal praat oor hoe hulle daarin geslaag het om vrede in Coligny te herstel. Alle belangstellendes is welkom om die diens by te woon.
