Vyf mense is beseer na hul motor vanoggend (20 Augustus) op die R54 snelweg tussen Potchefstroom en Fochville omgekeer het.

Volgens Russel Meiring, ER24 woordvoerder, het paramedici omstreeks 07:40 by die toneel gekom waar ‘n motor op sy sy langs die pad gelê het. Die motor het glo verskeie keer omgekeer voor dit tot stilstand gekom het.

Drie mans en twee vroue het buite die motor gesit. Al vyf het ligte tot matige beserings opgedoen. Hulle is op die toneel behandel waarna hulle na Potchefstroom hospitaal vir verdere behandeling geneem is.

Plaaslike owerhede was op die toneel vir verdere ondersoek.