‘n Potchefstroomse ma is op soek na haar vermiste tienerseun.
Petri Buys (18) is reeds sedert Meimaand vermis. Volgens Pink Ladies en Pascoe Investigations het Petri homself in Januarie vanjaar by ‘n jeugsorg-fasiliteit uitgeboek om by sy pa te gaan woon. Dit het glo nie uitgewerk nie en Petri het weggeloop.
Petri is glo laaste op 9 Mei in Parys gesien, maar toe nie weer nie. Hy is lank en maer, het bruin oë en ligbruin hare en tatoeëermerke op sy arms, bors, rug, nek en bene.
Enigiemand wat Petri gesien het of kennis dra van waar hy is, kan SAPD Potchefstroom by 079 731 0843 of die Pink Ladies by 072 214 7439 / 083 378 4882 / 08 600 10111 skakel.
