‘n Ernstige beseerde 54-jarige vrou van Deneysville was sedert Sondagaand 4 Augustus,  in haar voertuig vasgekeer nadat die voertuig gerol het op die R716 tussen Deneysville en Oranjeville. Die voertuig is teen ‘n wal af en het in die veld op sy dak te lande gekom. Die vrou was halfpad uit die bestuur kant se venster waar sy vasgedruk was.

‘n Motoris het die voertuig Maandag 5 Augustus om 09:00  langs die wal gesien en nooddienste ontbied.  Die vrou het haar rug en ribbes beseer. Meganiese reddingskake is gebruik om haar uit die voertuig te bevry. Die vrou is deur Vaal Emergency Care op die toneel behandel en na die Metsimaholo hospitaal geneem vir behandeling.

FOTO: VAAL EMERGENCY CARE