News
Swendelaar lieg oor kaping en vermoorde vrou
‘n Man het Donderdag 20 Junie by verskeie besighede in Potchefstroom omgegaan en op mense se gevoel gespeel om geld te probeer kry.
![](https://images.caxton.co.za/wp-content/uploads/sites/116/2019/06/Fotolia_46717313_Subscription_Monthly_M-1.jpg)
Volgens oproepe wat die Potchefstroom Herald ontvang het, is dié man se storie dat sy vragmotor op die N12 naby die weegbrug gekaap is. Sy vrou is ook tydens die kaping dood geskiet.
Volgens die man het hy glo geld nodig om by die Namibiese ambassade in Pretoria te kom, omdat hy van Namibië afkomstig is.
By navraag het kapt. Mvula Chaka, polisiewoordvoerder in Potchefstroom, gesê dat daar geen kaping of moord in Potchefstroom aangemeld is nie.
“Die polisie is glad nie bewus van so geval nie,” het Chaka gesê.
Verskeie nooddienste het ook bevestig dat daar nie so geval naby Potchefstroom plaasgevind het nie.
Inwoners word teen dié swendelaar gewaarsku.