‘n Jong vrou is gister kort na middernag hospitaal toe geneem nadat sy erge brandwonde opgedoen het.

Dit nadat die kombuis in die huis waar sy in Vanderhoffpark, Potchefstroom, woon begin brand het. Volgens Diana King, woordvoerder van Mediclinic Potchefstroom, is haar toestand stabiel.

“Sy het tweedegraadse brandwonde op beide haar arms en hande opgedoen,” het King gesê.

Die brandweer kon die brand onder bedwang bring.

Die presiese oorsaak van die brand is steeds nie amptelik vasgestel nie. Die brandweer sal verdere ondersoek instel.