Op ‘n Saterdagmiddag luilekker ontspan in die buitelug met piekniekkomberse en braaivleisvure. Dit om 85 jaar te vier saam met die Voortrekkers van Parys Voortrekkerkommando.
Naas prettige boeresport met van driebeenresies tot sakspring, en lekker kuier,was daar ook kleurvolle kolwyntjies om dié spesiale kommando-verjaardag te vier.
Mardi Loggenberg en Brendon Maloney het boonop genoeg moed en durf aan die dag gelê vir die ysbak-uitdaging. Bietjie koud en baie nat, maar dit alles vir ‘n goeie doel om ook Vorie-maats te help waar hulp nodig is met lede – en kampgeld in baie uitdagende ekonomiese tye.
Dankie ook aan die Vorie-maats wat die naweek Parys gaan verteenwoordig het by die aksie-krieket geleentheid in Bloemfontein.
