![](https://images.caxton.co.za/wp-content/uploads/sites/116/2019/02/DSC_5632.jpg)
VANDERBIJLPARK. – ‘n Bejaarde man is Dinsdagoggend 19 Februarie in Pres. Krugerstraat op die kruising van Eric Louw straat deur ‘n taxi raakgery.
Marthinus Johannes (Tienie) Fivaz (71), is op die toneel deur ER24, Netcare 911 en die provinsiale ambulansdiens se paramediese personeel behandel wat vir ‘n geruime tyd probeer het om hom te stabiliseer voordat hy na die Sebokeng hospitaal geneem is.
‘n Ooggetuie en passasier in die taxi het aan Vaalweekblad vertel dat hulle die bestuurder gewaarsku het aangesien hy ‘n hele aantal verskeerstekens die oggend verontagsaam het voor die ongeluk plaasgevind het. Volgens diè ooggetuie het die bestuurder die rooi robot in Pres. Krugerstraat verontagsaam en het toe oom Tienie wat die straat wou kruis, raakgery.
Oom Tienie het geen identiteitsbewys by hom gehad nie en is danksy die oplettenheid van Dewald van Rooyen, geïdentifiseer. Oom Tienie is nog in ‘n kritieke toestand in die Sebokeng-hospitaal.