Annari du Plessis, ‘n bekende krisis-ondersteuner in die Vaaldriehoekse gemeenskap wat direkte kontak met die familie het, rapporteer op die Gebedsgroep vir Driehoek-kinders: “Marnus is inderdaad vanoggend (3 Februarie) na Jesus toe.”
“Dit is ‘n nuwe stuk trauma in die oggend vir so baie kinders. Kom ons wees sag met mekaar en wees daar vir mekaar en kom ons bid vir die ouers en almal na aan Marnus. Ek is so jammer….. Rus sag seun.”

Marnus se dood bring die getal kinders wat weens Vrydag se tragedie gesterf het, op vier te staan. Die ander kinders is Roydon Olckers, Jandré Steyn en Marli Currie.

• Ons innige medelye met elke ouer, kind, onderwyser en familie wat deur hierdie tragedie geraak is.