Alle klagtes is teruggetrek teen die vier motorwagte van Parys wat Vrydag 7 November voor die hof moes verskyn het na ‘n PSIRA (Private Security Industry Regulatory Authority) -optrede in Oktober toe verteenwoordigers die dorp besoek het om motorwagte wat nie PSIRA registrasie kon toon nie, van die straat te verwyder.
Motorwagte wat toe nie bewys van PSIRA registrasie kon toon nie, is na die polisiestasie geneem en die keuse gegee om ‘n R300 boete te betaal of voor die hof te verskyn.
Alle motorwagte, en enigeen in die sekuriteisbedryf, moet volgens wet by PSIRA geregistreer wees wat as die waghond liggaam vir die sekuriteitsindustrie optree.
PSIRA regulasies bepaal onder meer ook dat mense wat ‘n kriminele rekord het, nie PSIRA registrasie kan kry nie.
Verskeie motorwagte van Parys, onder meer die by die Pick ‘n Pay sentrum, het na die optrede hul PSIRA registrasie bekom.