Vrywilligers het Saterdag gehelp om skoon te maak voor die Forum-gebou oorkant Spar, asook voor die polisiestasie waar ’n vragmotor verlede week sy vrag verloor het.
By die Forum-gebou het Koos van Rooyen help opruim en ook al die vullis weggery, terwyl Thapelo Monatisa, John Mokhethi en Samuel Mabeleha gehelp het met die skoonmaak-inisiatief wat begin is danksy Jan en Ann Bester. Met die hulp van Selma Kok maak hul weekliks skoon op die sypaadjies en in parke.
