‘n Groep van ses werklose persone het vanoggend (11 Oktober), die Weiveld-pad by die Ngwathe vullisstortingsterrein versper met bande en vullis.
Die groep het ge-eis om die burgemeester te sien en gesê dat hulle wil hê dat die omgewing by die vullisstortingsterrein skoon geskraap moet word. Hulle wil ook hê dat slegs die omheinde terrein vir vullisstorting gebruik moet word.
Die Ngwathe munisipaliteit se direkteur vir gemeenskapsdienste, Me Nhlapo, het aangedui dat die ontevredenes nie enige magte het om eise te stel nie en onwettig daar is. Lede van die Polisie se Openbare Orde Eenheid het hierop met die groep gepraat en gevra dat hul ‘n afspraak met die munisipale bestuurder, mnr. Bruce Kannemeyer, sal maak, om hul eise te bespreek.
Daar is ook gevra dat hul nie verder verkeer op die pad op onwettige wyse sal ontwrig nie.
Die pad is daarna gedeeltelik skoon gemaak en kon polisielede onttrek nadat die situasie onder beheer gebring is.
Van die boere het onderneem om die pad heeltemaal skoon te maak vir verkeer.
