Vandag, 6 Okktober is die laaste musiekteater-vertoning van “Kiekies” – ‘n uitsonderlike vertolking deur Jannie du Toit en Thean Kotze van musieklegende, Lucas Maree se ongelooflike kreatiwiteit waarmee hy die Afrikaanse woord deur musiek laat leef het.
Die musiekteater-produksie, vorm deel van vanjaar se Aardklop feesproduksies en is te siene by The Roots, Potchefstroom.
Die eerlike, gevoelvolle en dinamiese aanbieding van Lucas se liedjies deur hierdie twee ervare kunstenaars bied ‘n meesleurende blik op die lewe van ‘n vriend, kollega, kunstenaar maar ook gerespekteerde legende in Afrikaanse musiek. Sy vermoë om uit die alledaagse ‘n prent in note en liriek te skilder, word op besonderse wyse uitgebeeld.
Kaartjies vir vanmiddag 6 Oktober se vertoning om 14:30 kos R130 per persoon en is beskikbaar by Ticketpro.