Drie verdagtes wat moontlik met verskeie misdade in die distrik waaronder veediefstal, verbind kan word, is Dinsdagoggend 18 September in hegtenis geneem. Nog arrestasies mag volg.
Die drie verdagtes is in die Fochville-distrik vasgetrek en beslag is gelê op ’n vragmotor waarin drie beeste van die Dawid Malan Boerdery in Fochville, gevind is.
Die arrestasie is moontlik gemaak danksy baie goeie samewerking van lede van die Interprovinsiale Veediefstal Forum, die Koepel Veediefstal Inligting Sentrum (VIS), SAPD lede, Misdaadintelligensie, boere van die distrik en lede van die Vaal Rampbestuurvereniging langs die R500.
