Peggy Nonyana, ANC kandidaat vir die wyk 12 Ngwathe tussenverkiesing wat op Woensdag 5 September in Parys gehou word, vergesel van ander ANC-lede, het Vrydagmiddag 31 Augustus, met die oog op die tussenverkiesing, die parkie in Eerstelaan skoongemaak.
Die skoonmaakaksie volg nadat inwoners op eie inisiatief en sonder vergoeding ook verlede naweek ingespring het om die vuil en erg verwaarloosde parkie skoon te kry, en daar môre voortgegaan word met die projek om elke Saterdag parke, strate en oop velde in die dorp skoon te kry.
Die hoop is dat vrywillige aksies soos hierdie deurlopend gedoen sal word en nie net met verkiesingstye nie.
Knap gedaan vir elkeen wat alreeds probeer om ‘n verskil in Parys te maak.
