Vredefort – Komende Saterdag is nuwemaan, en die sterrehemel in die Vredefort Koepel behoort besonder helder te wees. Moet daarom nie Frik le Roux van die Sterrekundevereniging van Pretoria se sterrekykuitstappie, Saterdag 11 Augustus by die sterrewag op Deelfontein misloop nie. Die uitstappie begin om 19:00 met ‘n aanbieding in die seminaarkamer langs die sterrewag. Planete wat tans sigbaar is, is Mars, wat besonder naby aan die aarde is en dus baie groot vertoon, asook Jupiter, en Venus. Die uitstappie kos R100 per persoon. Bring warm klere en skoene saam. Padaanwysings na Deelfontein is op www.deelfontein.co.za beskikbaar. Meld asseblief per e-pos aan by gerhard@deelfontein.co.za of per SMS na 083 280 9784, as jy die uitstappie wil bywoon.
