Blakermaker galery-deure ’n laaste keer nog oop
Blakermaker galery-deure ’n laaste keer nog oop
![](https://images.caxton.co.za/wp-content/uploads/sites/116/2018/07/DSC4209.jpg)
Die kunstenaarshande van Dave Strydom van Die Blakermaker het stil geword, maar die publiek sal nog een laaste kans kry om die unieke kunswerke te koop, voordat die galery sluit.
Die Blakermaker galery in Breëstraat, Parys, sal net tot einde Julie oop wees vir die publiek.
In die hande van kunstenaar Dave Strydom het koue staal, kunswerke geword wat leef. Sielswerke van ’n man wie se staalkuns galery vir 22 jaar deel was van Parys se ryke kunstalent.
Hier by Breëstraat 36 sal jy die sagtheid van die natuur op unieke wyse kan ervaar in elke geitjie, die talle voël-kunswerke en wilde diere wat beweeg met die ritme van kuns en vakmanskap in harmonie. Van lampskerms tot ornamente, skilderye, blombakke en soveel meer.
Dave is op 28 Junie na ’n kort siekbed in die ouderdom van 57 jaar oorlede.
Kom beleef vir oulaas sy unieke kuns wat vir soveel jaar deel was van Parys. Alle verkope is kontant of elektroniese oorbetalings (EFT). Die galery sal daagliks oop wees van 09:00 tot 15:00.