Dit is die wens van die 84-jarige vrou wat verlede week die slagoffer was van gewetenlose skurke wat haar by die Parys Boulevard-sentrum van haar handsak, juwele, kontant en selfs haar motorsleutels beroof het.
Terwyl sy so geskok was en nie geweet het wat om te doen nie, het ’n onbekende samaritaan haar te hulp gesnel, gehelp om haar bankkaart te stop en selfs AJ Locksmith laat kom om haar te help om sleutels vir haar motor te kry wat toe nog in die parkeerarea gestaan het.
Boonop het dié onbekende man die rekening vir die sleutels ook betaal.
“Al wat ek wil hê is net dat die man wat my gehelp het, sy nommer by AJ Locksmith sal los sodat ek hom self kan bedank. Sulke engele kom nie aldag oor jou pad nie, en daarom wil ek dankie sê.”
