Al onthou jy net ’n paar basiese begrippe, het jy reeds ’n voorsprong in ’n situasie waar jy dalk genoodsaak is om jouself te beskerm.
Boonop is dit nie moeilik of verg besondere fiksheid nie – net die gewilligheid om te leer.
Parysenaars het jaarliks die geleentheid om hierdie vaardighede te kan aanleer.
Die eerste selfverdedigingskursus vir 2018 wat die afgelope drie maande van Februarie tot April aangebied is, is pas afgesluit.
Dit is die negende jaar dat die kursus vir oud en jonk, mans sowel as vroue, teen minimale koste deur Kobus Grobler en Sonja van Rhyn aangebied is as liefdadigheidsprojek vir Parys en sy gemeenskap.
Die volgende kursus begin Woensdag 1 Augustus en sal dan elke Woensdagaand aangebied word vanaf 18:00 tot 19:00. Vir meer inligting skakel Sonja by 082 327 4250, of hou haar Facebookblad dop vir toekomstige kursusdatums.
Dankie aan ds. Ian Jonker van die NG gemeente Parys-Oos vir die gebruik van die kerksaal vir die kursusse, en Attie Goosen vir sy bydrae om toe te sien dat die saal reg is vir die studente.
You can read the full story on our App. Download it here.