Dit is met ‘n swaar hart wat alle inwoners van ons gebied in die oggend opstaan oor die slaggate in die paaie.
Elke dag ry ons die paaie in Drie Riviere en Vereeniging werk toe en terug huis toe – dieselfde roetine oor en oor, maar hoe ons sukkel is die groot probleem.
Die slaggate onder die duikweg in Vereeniging is om van naar te word saam met die rioolwater wat daar lê, asook die slaggate op die ander paaie. Dit is ‘n nagmerrie. Ons as inwoners sukkel al klaar ekonomies, nou moet ons nog meer geld uithaal vir skade aan ons wiele. Om nie eers te praat van die ongelukke wat dit kan veroorsaak nie!
Wanneer gaan die munisipaliteit ooit plan maak om dit reg te maak? Hulle verwag ons moet vir hulle stem, maar hulle kan nie teruggee aan ons om ons veilig te hou nie.
