Woensdagaand 4 April is ’n Toyota Yaris voor die NG gemeente Parys-Oos gesteel is. Net die week tevore is ’n Uno by die Danie Fourie-woonstelle in Father Balink straat gesteel.
Volgens die polisie is daar ook ’n Nissan 1400 en Hilux bakkie gedurende Maart in die dorp gesteel. Al 5 voertuie is steeds soek.
Dit wil lyk asof dit meer ouer voertuie is wat geteiken word. Meeste van die voertuie is gesteel op plekke waar daar heelwat beweging is en terwyl dit nog helder dag was.
Die polisie waarsku ook dat inbrake by besighede in veral Breëstraat die afgelope week skerp gestyg het. Binne die bestek van net meer as ’n week is minstens 6 sake gerapporteer.
Diefstal van skape in veral die Wolwehoek-omgewing het ook die laaste week toegeneem.
Mense word gevra om asseblief enige verdagte voertuie of bewegings dadelik by die polisie te rapporteer. Geen inligting moet as waardeloos beskou word nie.
Onthou ook om gereeld jou alarmstelsel by die huis of besigheid te toets, en maak seker jy laat nie waardevolle items in jou motor nie, en dat dit te alle tye gesluit is. Misdadigers is baie uitgeslape en laat nie kans verbygaan nie.
