Die tragiese voorval het in Empangeni in KwaZulu-Natal plaasgevind.

Volgens kol. Thembeka Mbhele, woordvoerder vir die polisie, het die seun met sy pa se vuurwapen gespeel toe ‘n skoot afgaan en sy sussie tref.

Die seun het daarna, na bewering, die vuurwapen op homself gerig en die sneller getrek.

Die seun is opslag dood en die sussie ‘n paar uur later in die hospitaal.

Die polisie doen ‘n beroep op vuurwapen eienaars om seker te maak hul vuurwapens in ten alle tye beveilig om sodoende nie die wet te oortree nie.

‘n Moorddoessier is na die voorval geopen.