Kuier saam op die stoepkuier-roete
’n Stoepkuier-roete vorm deel van die Parys Kunstefeeees wat vanjaar vanaf 29 Maart tot 15 April in Parys gehou word. Die lekker stoepkuier word aangebied deur Epilepsie SA se Vrystaat/Noordwes-tak in Parys. Tydens die stoepkuier-aand sal ’n trekker en sleepwa vanaf Epilepsie SA se terrein in Boomstraat met gaste vertrek. Dié kuier-wa sal dan aandoen …
![](https://images.caxton.co.za/wp-content/uploads/sites/116/2018/01/Parys-Arts-Festival-Logo-Gazette.png)
’n Stoepkuier-roete vorm deel van die Parys Kunstefeeees wat vanjaar vanaf 29 Maart tot 15 April in Parys gehou word.
Die lekker stoepkuier word aangebied deur Epilepsie SA se Vrystaat/Noordwes-tak in Parys. Tydens die stoepkuier-aand sal ’n trekker en sleepwa vanaf Epilepsie SA se terrein in Boomstraat met gaste vertrek. Dié kuier-wa sal dan aandoen by gastehuise, privaat huise, en restaurante waar daar lekker gekuier gaan word. Bobaas plaaslike kokke gaan verras met kos van uitstaande gehalte. ’n Voor-, hoof-, en nagereg sal by verskillende “stoepe” geniet word. By sommige van die stoepe sal daar ook verrassings wees soos gedigvoorlesings, kuier-en-eet met bekende kunstenaars en lewendige musiek en meer.
Kontak Keri of Gary by Epilepsie SA se Vrystaat/Noordwes-sentrum by (056) 811 5959 vir meer inligting.
Die organiseerders van die fees soek ook nog na vrywilligers om te help met die feesreëlings. Daar bestaan veral ook ’n groot behoefte aan skenkings van pryse, donasies en borge om alles wat die organiseerders beoog, moontlik te maak.
Die fees is daar om Parys te bemark as ’n kunssinnige bestemming, om toerisme te bevorder en om plaaslike kunstenaars, restaurante, gastehuise, winkels en galerye blootstelling te gee. Besighede en privaat persone wat kan help met borge en skenkings kan Karin TerBlanche skakel by 083 409 9041.
Meer inligting is ook beskikbaar by paryskunstefees.co.za.