Minstens 4 dood in treinongeluk

Minstens 4 mense is is dood en 40 beseer ná ‘n botsing vanoggend tussen die Shozoloza Meyl en ‘n vragmotor net buite Kroonstad. Die trein het ook ontspoor.

Netwerk 24 berig dat die presiese getal mense wat deur die ongeluk geraak is, nog vasgestel moet word. Die passasierstrein het vanoggend (Donderdag 4 Januarie) net na 09:00 tussen Hennenman en Kroonstad ontspoor. Drie van die treinwaens het aan die brand geraak.

Passasiers se beserings wissel tussen lig en ernstig. Die trein was van Port Elizabeth na Johannesburg onderweg. Passasiers het na die ongeluk gese dat hulle gehoor het hoe die trein twee keer hard toeter blaas, en daarna die slag. Die trein het die vragmotor minstens 300m ver gesleep voor dit ontspoor het. (Bron: Netwerk 24)