Braaivleisvure brand met 40 uur aaneen se braai-rekord poging
Lus vir ’n vleisie op die kole en lekker saamkuier om die Desember-vakansie mee af te skop? Hier’s jou kans! ’n “Kom ons Braai Fees” word op 16 Desember deur Sizzle Brothers ten bate van Epilepsie Suid-Afrika se Vrystaat/Noordwes-sentrum in Parys gehou, om broodnodige fondse vir dié sentrum in te samel. Wat dié braaifees besonders …
![](https://images.caxton.co.za/wp-content/uploads/sites/116/2017/12/index-2.jpg)
Lus vir ’n vleisie op die kole en lekker saamkuier om die Desember-vakansie mee af te skop?
Hier’s jou kans! ’n “Kom ons Braai Fees” word op 16 Desember deur Sizzle Brothers ten bate van Epilepsie Suid-Afrika se Vrystaat/Noordwes-sentrum in Parys gehou, om broodnodige fondse vir dié sentrum in te samel.
Wat dié braaifees besonders maak, is dat die fees ook André van Zijl wat reeds verskeie wêreldrekordpogings op sy kerfstok het, se poging sal ondersteun om vir 40 uur aaneen te braai. Parysenaars was ook deel van André se 54ste wêreldrekordpoging toe hy onlangs 3 000 vetkoeke binne 24 uur gebak het ten bate van die DBV, Epilepsie SA en Overcomers Wealth
Die Braaifees word gehou by Sizzle Brothers in Waterstraat, Parys. Inskrywingsgeld vir ’n span van vier is R250. Braaispanne moet uit vier lede bestaan.
Die wenner stap met die titel as Braaikoning Parys 2017 weg.
Daar is fantastiese pryse op die spel en daar word beoog om soveel moontlik aktiwiteite vir die kinders aan te bied, sodat ma en pa ontspanne vir die dag kan saamkuier met musiek en vermaak vir die hele gesin.
Vir die publiek is daar ’n kontantkroeg waar gekuier kan word. Braaipakke sal beskikbaar wees teen R50 per persoon, insluitend toegangsgeld.
Toegangsgeld is R20 per persoon vir toeskouers en R10 vir kinders.
Kom braai saam. Belangstellendes kan vir Henk Blom by 083 967 7405 of Anjama Goldie by 084 037 1085 skakel vir meer inligting of navrae.