Die jaarlikse Rapala VMC Vaaldam Bonanza vind die naweek van 24 tot 26 November by Biermans plaas. Die Vaaldam Bonanza het ‘n ryke tradisie en word sedert 2002 aangebied.
Hengelaars van wyd en syd gebruik die geleentheid om ou vriendskapsbande te hernu en lekker vis te vang.
Vanjaar se Vaaldam Bonanza het weer eens groot pryse om te wen. Die bekende handelsmerk Rapala borg onder meer fantastiese hengelgerei wat as pryse gewen sal kan word. Daar is ook baie ander groot pryse om te wen. In totaal is meer as R400 000 se pryse op die spel.
Die hengeltoernooi word aangebied vir boot– en oewerhengelaars. Daar is ook ‘n spanhengelkompetisie vir seniors, dames en junior afdelings.
Die teiken visspesies is karp en baber. In die spankompetisie is graskarp die teikenspesie.
Daar is ook pryse vir die mooiste spandrag en grootste span wat deelneem.
Hengelaars kan aanlyn plek bespreek om seker te maak jy kry plek saam met jou vriende.
Die hengelkaartjies is R270 per volwassene en R150 per junior.
Die Rapala VMC Vaaldam Bonanza word aangebied deur Eco-Care Trust en Die Oewerhengelaartydskrif.
Meer inligting is beskikbaar op www.vaaldambonanza.com of skakel vir Joyce by 074 2181 621.