Oppas vir vals klagtes

Daar was onlangs ’n skerp toename in die rapportering van vals klagtes by die polisie in Parys.
Volgens die stasiebevelvoerder, kol. Kotsoane, herken die polisie ’n  vals klag sodra dit by die ondersoekstadium kom. Die Gemeenskap Polisiëring Forum het daarom ’n  beroep op die publiek gedoen om seker te maak klagtes wat gerapporteer word is eg.
Let ook op die onderskeid wat getref word tussen diefstal en roof veral wanneer jy die polisiestasie skakel met ’n  klag.
As daar nie geweld betrokke is nie, is dit nie roof nie. Die polisie wil graag ‘n behoorlike diens aan die gemeenskap lewer maar vals of verkeerde klagtes lê die sisteem lam. Daarom is elke lid van die gemeeenskap se samewerking van onskatbare waarde.