Volgens kapt. Thivhulawi Tshilate is die twee mans omstreeks 07:20 in die Rooikraal-omgewing op die R550 in ‘n wit Toyota Corolla gevind. Drie patroondoppies van ‘n 9mm-pistool  is op die agterste sitplek gevind, vier ander doppies is ook in die voertuig gekry.

Die polisie doen ‘n beroep op die gemeenskap dat enige persoon met inligting rakende die voorval na vore sal kom.

Twee sake van moord word tans deur die polisie ondersoek.