Voëlklub besoek park in Potchefstroom
Feathers Voëlklub wil hierdie maand graag aan werkende mense wat belangstel in ons voëlskat, die geleentheid gee om saam op ’n uitstappie te gaan. Die uitstappie is op Saterdag 23 September na die OPM Prozesky Voëlpark in Potchefstroom. Dit is die eerste keer dat die klub die Voëlpark besoek, maar lede wat reeds daar was, …
Feathers Voëlklub wil hierdie maand graag aan werkende mense wat belangstel in ons voëlskat, die geleentheid gee om saam op ’n uitstappie te gaan.
Die uitstappie is op Saterdag 23 September na die OPM Prozesky
Voëlpark in Potchefstroom. Dit is die eerste keer dat die klub die Voëlpark besoek, maar lede wat reeds daar was, het bevestig dat dit beslis die moeite werd is.
Belangstellendes ontmoet om 06:30 op die PnP-parkeerterrein in Parys. Bring verkykers, hoede, stoele en piekniekmandjies saam en moenie die goggaroom vergeet nie!
Die klub se volgende byeenkoms is op Donderdag 21 September om 18:30 in die Sally Martin Park saal. Jan Fourie sal aan die woord wees en van sy foto’s wys. Die onderwerpe is ’n verrassing. Kom kuier gerus saam en hoor wat hy vertel.
Skakel Hansie Bekker by (056) 811 4754 of 082 820 4306, of Peter Killian by (056) 817 6031 of 083 625 8100 as jy navrae het oor die klub, byeenkomste en uitstappies.
