Volgens Kapt. Mvula Chaka, polisiewoordvoerder, het die twee wat onderskeidelik 32 en 26 jaar oud is vlugtig in die hof verskyn waarna die saak na Maandag (18 September) uitgestel is.

‘n Klag van moord is bygevoeg nadat Victor Cookes (75) kort na die aanval oorlede is.  Die polisie het vroeër ook twee verdagtes in hegtenis geneem wat nie tot die misdaad verbind kon word nie. Die selfoon wat ten tyde van die huisroof gesteel is, is deur die polisie nagespoor waar hulle dit in een van die verdagtes se besit gekry het.