Plaasaanval: Bejaarde met bottel geslaan
DIe 77-jarige mnr. John Gordon was teen vanoggend nog in die Mediclinic Potchefstroom maar sal na verwagting dalk later vandag ontslaan word ná ’n plaasaanval op die plaas Leeudorings langs die R59 in die Vredefort-distrik. Die aanval was gisteraand, Dinsdag 15 Augustus. Mnr. Gordon het ’n snye agter sy kop, ken, lip, en ook op …
DIe 77-jarige mnr. John Gordon was teen vanoggend nog in die Mediclinic Potchefstroom maar sal na verwagting dalk later vandag ontslaan word ná ’n plaasaanval op die plaas Leeudorings langs die R59 in die Vredefort-distrik. Die aanval was gisteraand, Dinsdag 15 Augustus.
Mnr. Gordon het ’n snye agter sy kop, ken, lip, en ook op sy arm nadat hy deur sy aanvaller met ’n bottel geslaan is.
Daar is eers by een van die huise op die plaas ingebreek waarna die veld aan die brand gesteek is. Toe mnr. Gordon gaan ondersoek instel het, is hy aangeval.
Die verdagte het te voet gevlug en is steeds soek. Die gesteelde goedere is egter reeds teruggekry waaronder ’n televisie, gasstoof, gasbottel, mikrogolfoond en ander huishoudelike ware.
Die polisie ondersoek ’n klag van huisbraak en diefstal, aanranding met die opset om ernstig te beseer en ’n klag van veld wat nalatig aan die brand gesteek is.
