’n Bejaarde man is Maandag tot ses jaar gevangenisstraf, opgeskort vir drie jaar, gevonnis vir onsedelike aanranding van 2004.

Die man, nou in sy 70’s, is vroeër vanjaar skuldig bevind aan dié daad wat spruit uit ’n voorval in 2004 toe hy ’n 10-jarige familielid betas en met sy vinger penetreer het.
Die meisie het eers in 2012, nadat sy 18 geword het, die klag aangemeld. ’n Ondersoek is toe deur die polisie gedoen wat na die suksesvolle skuldigbevinding in 2017 gely het.
Omdat die wet in 2007 verander het, en die voorval in 2004 gebeur het, kon hy slegs vir onsedelike aanranding aangekla word.
Indien die voorval na die wetsverandering plaasgevind het, sou hy vir verkragting aangekla kon word.