Die afgelope Sondag is daar ‘n fietsryer op die Schoemansdriftpad doodgery. Die bestuurder van die motor wat die fietsryer raakgery het is kort na die botsing op ‘n klag van strafbare manslag in hegtenis geneem . Fietsryers gebruik gereeld openbare paaie en die gevaar bestaan altyd dat motorsbestuurders weens ‘n gebrek aan sigbaarheid of roekelose bestuur fietsryers raakry.

Hier is 6 eenvoudige wenke wat jou veilig op jou fiets kan hou.

1. Bly by die algemene padreëls.
2. Trek klere aan wat helder en sigbaar is. ‘n Reflekteerde baadjie sal dus ‘n goeie opsie wees.
3. Ry in ‘n groep indien moontlik. Dit verseker groter veiligheid en sigbaarheid. Die vriende in jou groep dien ook as ‘n ekstra oog en oor.
4. Sit ‘n wit lig voor aan jou fiets sowel as ‘n rooi lig agter wat gedurig flits.
5. Ry op sekondere paaie, vermy roetes met baie voertuigverkeer.
6. Ry verkieslik in die dag in sonskynure.