NewsNews
PG du Plessis vandag oorlede
Die bekroonde Afrikaanse skrywer, dramaturg en akademikus, PG du Plessis is vanmiddag na ‘n lang siekbed op die ouderdom van 82 oorlede. Du Plessis het bekendheid vir sy dramas Siener in die Suburbs, Nag van Legio (albei Hertzogprys-wenners) en ‘n Seder val in Waterkloof onder vele ander indrukwekkende publikasies verwerf. Dié skrywer se roman, Fees van die Ongenooides het… …
Die bekende Afrikaanse skrywer PG du Plessis is vanmiddag na ‘n siekbed oorlede. Foto: Marianke Saayman.
Die bekroonde Afrikaanse skrywer, dramaturg en akademikus, PG du Plessis is vanmiddag na ‘n lang siekbed op die ouderdom van 82 oorlede.
Du Plessis het bekendheid vir sy dramas Siener in die Suburbs, Nag van Legio (albei Hertzogprys-wenners) en ‘n Seder val in Waterkloof onder vele ander indrukwekkende publikasies verwerf.
Dié skrywer se roman, Fees van die Ongenooides het ook lof ontvang en is met die 2009 ATKV Prosaprys bekroon.
Du Plessis se afsterwe laat ‘n leemte in die Afrikaanse literatuur en hy en sy skryfwerk sal gemis word.
“Vir ‘n skrywer is een ding belangrik: hou die drama.”
PG du Plessis: 14 Julie 1934 – 7 Junie 2017
