NewsNews
Vermeende dief dood na hy onder vragmotor beland
VEREENIGING. – ‘n Vermeende dief is dood na hy onder ‘n vragmotor beland het. Die ongelukstoneel. Foto: Lazarus Dithagiso Volgens ooggetuies kruip die diewe weg en wanneer die vragmotor by die verkeerslig stop, spring hulle op om die skrootmateriaal te steel. Die bestuurder van die vragmotor sê hy het gevoel die wiele aan die …
Volgens ooggetuies kruip die diewe weg en wanneer die vragmotor by die verkeerslig stop, spring hulle op om die skrootmateriaal te steel.
Die bestuurder van die vragmotor sê hy het gevoel die wiele aan die linkerkant agter lig effens op en hy ry oor iets. Hy het gestop en afgetrek en gesien dit is ‘n mens, maar daar was geen teken van enige persoon toe hy die kruising oorgegaan het nie.
Die polsie en nooddienspersoneel is na die toneel ontbied, maar die man is op die toneel dood verklaar.
Volgens die polisie is daar die afgelope agt maande al meer as 10 mense dood wat op die manier skrootmateriaal van bewegende vragmotors steel.
Die voorval het op 29 Mei omstreeks 12:30 in Houtkopweg by die Vereeniging/Potchefstroomkruising plaasgevind.