Só bepaal die nuwe regulasie vir bakkies

Van Donderdag 11 Mei mag geen kind meer in die bak van bakkies of voertuie vervoer word in ruil vir geldelike vergoeding nie.
Die Nasionale Verkeerswet regulasie 250 verbied ook nou die vervoer van ander, ouer mense in die bak van voertuie vir vergoeding, behalwe wanneer daar ’n  kap op die voertuig is, en die passasiers nie naby goedere of gereedskap sit nie.
Die nuwe verkeersregulasie tree Donderdag 11 Mei in werking. Die Automobiel Assosiasie (AA) het die regulasie as ’n  stap in die regte rigting beskryf.
Die Automobiel Assosiasie (AA) het in ’n  verklaring gesê dat dit beteken dat ook diegene wat kinders vervoer met onpadwaardige voertuie of voertuie wat nie ontwerp is vir die vervoer van kinders nie, nou hul voertuie moet vervang of herstel.
Die organisasie sê dat saam met die regulasie dit ook nou noodsaaklik is om beter, betroubare openbare vervoer in afgeleë gebiede te kry.