Jou bloed is nodig

Hierdie tyd van die jaar is gewoonlik ʼn moeilike tyd vir die Suid-Afrikaanse Nasionale Bloeddiens (SANBD) wie se doel is om genoeg, veilige bloed aan pasiënte in Suid-Afrika te voorsien.
Die SANBS het tans net ’n  1.6-dag bloedvoorraad beskikbaar en soos ons verder in die vakansietyd beweeg, weet dié diens dat hulle nie aan die pasiënte se bloedbehoeftes sal kan voorsien nie. Daarom word ’n beroep gedoen op alle skenkers wat nie in die afgelope paar maande geskenk het nie, om asseblief die tyd te neem om bloed te skenk, aangesien bloedvoorraad krisisvlakke nader.
Die doel is om 5 dae se voorraad te handhaaf deur 3 000 eenhede daagliks in te samel om aan die vereistes te voldoen. “Ons vind dit tans moeilik, aangesien ons nie klinieke by skole en universiteite kan hou nie. Hierdie is ʼn spesiale beroep op die publiek om 30 minute af te knyp om bloed te skenk.”
Parysenaars kan Dinsdag 11 April van 13:00 tot 19:00 bloed skenk in die kerksaal van die Hervormde Kerk Parys, h/v Loop en Paulsenstraat. Die mikpunt is 100 eenhede bloed.
Die minimum vereistes om ʼn bloedskenker te wees, is:
•Wees tussen die ouderdom van 16-65 jaar
•Weeg meer as 50kg
•Geniet goeie gesondheid
•Leef ʼn veilige seksuele leefstyl.
SANBS wil graag alle gereelde bloedskenkers bedank en aanmoedig om aan te hou om gereeld bloed te skenk.
Vir meer inligting, besoek ons gerus by www.sanbs.org.za of skakel tolvry 0800 11 90 31