Polisie verduidelik oor ligte en sirenes
Die polisie het vandag gereageer op ‘n Facebook-klagte van ‘n Parys-inwoner op 24 Desember 2016 oor die beweerde misbruik van polisiesirenes. In die verklaring word gesê dat die polisie nie die misbruik van blou ligte deur polisielede goedkeur nie. “Daar is egter gevalle waar dit juis nodig is om die ligte te gebruik veral met …
Die polisie het vandag gereageer op ‘n Facebook-klagte van ‘n Parys-inwoner op 24 Desember 2016 oor die beweerde misbruik van polisiesirenes.
In die verklaring word gesê dat die polisie nie die misbruik van blou ligte deur polisielede goedkeur nie. “Daar is egter gevalle waar dit juis nodig is om die ligte te gebruik veral met spesiale polisie operasies byvoorbeeld vir magsvertoon tydens Feesseisoen optredes.”
Die polisieverklaring sê Tumahole en Parys ondervind tans ‘n ernstige probleem met huisbrake en dat daar juis ten tyde van die klagte ‘n misdaadoperasie in Tumahole was om geweldsmisdade aan te spreek.
“Met beperkte hulpbronne word die maksimum hulp en sirenes gebruik as afskrikmiddel vir misdadigers en uitstekende manier om sigbaarheid te wys. Dit is juis deur die gebruik van sirenes en ligte dat lede van die publiek weet wanneer die polisie in ‘n gebied is”, word in die verklaring gesê.