Vensters tot jou persoonlikheid – waar pas jy in?

Weet jy wie jy is? Weet jou werkgewer, kollegas, studente, eggenoot en kinders wie jy is? Verstaan jy hoekom hulle optree soos hulle optree
Lynette Beer, ’n persoonlikheidskenner kom gesels op 25 Maart oor die Vensters tot jou Persoonlikheid tydens ’n  werkswinkel wat jou die emosionele taal van ander sal help verstaan en hoe om jou eie lewe in perspektief te plaas om hoër hoogtes te bereik en onnodige stres en uitputting te vermy.
Die werkswinkel word aangebied deur Alzheimer Parys in samewerking met Najaarsrus.
Die werkswinkel is van 12:00 tot 13:30 en kos slegs R50 per persoon.
Lynette was ’n  direkteur in ’n  suksesvolle internasionele groep maatskappye waar sy verantwoordelik was vir bemarking en die persoonlike ontwikkeling van personeel.
In 2007 ontvang sy ’n  toekenning in haar industrie vir die mees suksesvolle besigheidskonsep en was bevoorreg om besigheidsaanbieding in Times Square sowel as in Londen te kon doen.
Sy is ’n  gepubliseerde skrywer van Carpe Diem Uitgewers met haar nuutste boek, “Watter kleur is jou persoonlikheid?
Boonop spog sy met die Presidensiële toekenning as Besigheidsvrou van die Jaar wat aangebied word deur die Nasionale Raad vir Sakevroue (SACBW).