Die laagwaterbrug na die Parys Golf & Country Estate is sedert vanoggend gesluit nadat die Vaalrivier se dreunende watermassa oor die brug begin spoel het.
Water het ook op die rivieroewer by die laagwaterbrug begin oorstoot en is daar vanoggend al begin om opdrifsels van die laagwaterbrug te verwyder.
Teen laatmiddag het talle mense na die waterskouspel kom kyk wat die laaste keer in 2014 gesien is. Baie sal ook nog die Vaalvloed in 2011 onthou.
