Dit is egter baie vinnig en gerieflik om kontant by ‘n OTM te trek, maar dit is ook maklik vir misdadigers om OTM-bedrog te pleeg.

Verskillende modus operandi’s word gevolg om OTM-bedrog te pleeg wat die volgende insluit:

• Die misdadiger sal die gebruiker by die kitsbank nader en hulp aanbied. Hy of sy sal dan jou bankkaart omruil met ’n soortgelyke een sonder dat jy dit agterkom.
• Die misdadiger sal naby aan die gebruiker staan om sy/haar OTM-pin te sien. Hulle sal daarna die regte kaart neem en saam met die PIN-kode kontant gaan trek.
• Misdadigers sal die taal van die OTM-skerm verander sodat dit die gebruiker deurmekaar maak en hy/sy hulp kan aanbied.
• Misdadigers sal die kaartgleuf probeer blok sodat hulle die gebruiker na ’n ander, geïsoleerde kitsbank kan lok.

Gebruik die volgende nuttige wenke om nie in die strik te trap nie:

• As jy vermoed daar is fout met die OTM, kaneselleer die transaksie onmiddellik.
• Vermy kitsbanke waarvan die skerms dof vertoon of wat te stadig werk.
• Hou jou kaart reeds byderhand wanneer jy ’n OTM nader. Vermy dit ook om jou beursie oop te maak by die kitsbank.
• Wees versigtig vir vreemdelinge wat jou hulp bied. Hulle probeer dalk jou aandag aflei om sodoende jou kaart en/of PIN te kry.
• Volg die instruksies van die kitsbank noukeurig.
• Tik jou PIN in slegs wanneer daarvoor gevra word.
• Rapporteer verdagte mense wat by die kitsbank rondhang.
• Indien jy tydens die transaksie gepla word deur ’n ander persoon, verander jou PIN onmiddellik of stop jou bankkaart.
• Vermy kitsbanke met eienaardige voorwerpe wat daaraan vasgemaak is.
• Moet niemand om hulp nader nie, self nie die sekerheidswagte nie. Gaan liewers direk bank toe.
• Moet nooit jou bankkaart in die gleuf in forseer nie.
• Kies ’n PIN wat maklik is om te onthou, maar moeilik is om te ontsyfer. Moet nie jou verjaarsdagdatum gebruik as ’n PIN nie.
• Kyk gereeld na jou balans en rapporteer enige onreëlmatige transaksies dadelik aan jou bank.

Bron: Huisgenoot